hours before Christmas, pocketbook list updates

Christmas Eve na maya maya. Naamoy ko na ang Pasko. Actually, ang naamoy ko ay ang hinahanda nila. Pumunta ako sa kusina kanina at nagtanong kung ano ang maitutulong ko. Ang naging sagot sa akin ay, "Tumayo ka lang diyan at manood."

Dahil masunurin akong bata, tumayo nga ako at nanood. Kaya lang, after about ten minutes, inumpisahan kong papakin ang strawberries na nakahain sa harapan ko. Pinigilan ko na ang sarili ko bago ko pa maubos ang strawberries. Kaya heto ako, nag-iinternet.

Naisip ko ang mga nabasa kong libro nitong nakaraang linggo. Ayun. Nabasa niyo na ba iyong Vince's Life by Vince O. Teves? Iyong dating corner sa Seventeen magazine? After almost a year, lumabas na rin ang Part 2 at pagkatapos kong bilhin ay binasa ko na kaagad. Dahil interesado akong malaman kung ano ang nangyari kay Vince after Andrea, natapos ko agad ang libro. Nagustuhan ko naman. Worth it ang paghihintay kasi maganda naman ang nangyari sa buhay ni Vince. Lalo tuloy akong napaisip kung may lalaki nga bang katulad ni Vince. Sana.

At naisip ko ring iupdate na lang ang listahan ng aking pocketbooks.

Bago pala ang listahan, gusto ko lang sabihin na hindi ko ginagawa ito dahil gusto kong ibenta ang aking mga libro. Hindi rin ako konektado sa kahit na anong publication. Hindi rin ako konektado sa mga authors, maliban na lang sa hilig ko sa pagbabasa ng mga librong sinulat nila. :)

Ngayon, heto na ang listahan ko:

Click to enlarge. Haha.

Sabi ko pala kay Jonee ang iregalo na lang niya sa akin ay ang mga kulang ko pang Kristine Series. Nakabili na raw siya ng apat. Tsaka ko na ilalagay ang mga title dito kapag natanggap ko na ang regalo niya sa akin. :)

Advanced Merry Christmas!

Christmas Medyas

Dati when I was young, I used to place medyas sa window ng aking room. I always made hiram the medyas of my sisters kasi di ba, the bigger the medyas, the manyier the candy?

Kaya lang however makikipag-unahan ako sa paggising sa umaga para makuha ko nang buo ang nightly gift ni Santa. Ngunit one night, isang gabi, naisipan naming magkakapatid na antayin si Santa. Ang natatandaan ko, kaya nila ako nahikayat magpuyat ay dahil gusto kong makakita ng flying reindeer habang ang mga ate ko ay gustong magrequest kay Santa na palitan ng Tobleron ang candy na nilalagay niya sa mga medyas namin. Sa gabing iyon, hindi namin nakita si Santa. Sa halip, kinabukasan ay walang laman ang mga medyas namin. Sinabihan kami ng yaya ko na si Santa daw ay nakatulog kagabi. Siyempre nagtanong ako, "Paano mo nalaman?" Nakita ko ang yaya kong nagkamot ng ulo sabay sabi ng, "Kain ka na lang ng chocolate, bigay ng ninang mo," sabay abot ng Tobleron na kasing laki yata ng braso ko ng mga oras na iyon. Nang mabuksan ko ang chocolate, saglit kong nakalimutan si Santa. Ngunit nang gabing iyon, bago ako matulog, nagsabit ako ng dalawang medyas sa labas ng bintana ng kuwarto ko. Kasi nga may utang siya noong isang gabi. Nakatunog naman si Santa sa nais kong mangyari. Kinabukasan pinuno niya ng assorted candy ang dalawang medyas ko.

Ngayon, hindi na ako ganoon kabata para paniwalaang si Santa nga talaga ang pumupuno sa Christmas Medyas namin. Pero minsan naiisip ko, "Malay mo?".

Happy Holidays! :)

Manny Wins!

(Image was taken from: Jewel Samad/AFP/Getty Images http://assets.espn.go.com/photo/2008/1206/box_g_pacquiao04_400.jpg)

Kung sa tv ka nanonood, nagsisimula pa lang ang laban nina Pacquiao at De La Hoya, sisihin natin ang delayed telecast.

Pero sa mga atat tulad ko, sumilip na lang kayo sa ESPN website.

Sinasabi ko na nga ba e. Kahit anong tutol ng mga nakakausap ko, na sa laban daw nina Manny Pacquiao at Oscar De La Hoya, mananalo si De La Hoya.

Ayon sa ESPN, "Pacquiao turns 'dream fight' into nightmare for De La Hoya". (for more, visit, http://sports.espn.go.com/sports/boxing/news/story?id=3751115).

Sa tingin mo, anong bagong sasakyan ang bibilhin ni Pareng Manny para sa mommy niya?

Ah basta, sa tingin ko, masaya ang paskong darating.

Congrats, Manny! (Ayan, feeling close na naman ako.)

reading love stories

Bago ang lahat, babatiin ko muna ang sarili ko,

Happy 19th birthday! :p

Ayan, ayos na, sisimulan ko na ang kuwento...

Kahapon, nahanap ko ang website ni Vanessa, isa sa mga PHR writers. Kung hindi mo siya kilala, baka gusto mong bumili ng libro niya. Or you can visit her site, i-google mo na lang. Ok?

(Mga sinulat ni Vanessa na meron ako.)

After seeing the said website, bigla kong naisipang gumawa ng listahan ng mga PHR pocketbooks na meron ako. At narito ang kinalabasan:

Author	Title
AJ Brazil	1. Then Came You
Alecs Marie	2. This Time It’s Forever
Almira Jose	3. Forever Dreaming, Marigold 4. Unforgotten Love 1 5. Unforgotten Love 2
Amanda	6. Montenegro Series: Jose Luis 7. Montenegro Series: Juan Carlitos 8. Montenegro Series: Franco Montenegro 9. My Lovely Bride: Chloe & Edmund
Ana Katrina Velasco	10. My Love, My Hero: Marcus Malveda 11. No Questions Asked 12. A Promise To Keep
Andrea Coronel	13. My Lovely Bride: Jasmin & Jason 14. Friedrick Manahan 15. Love Forecast
Angel Villanueva	16. Last Trip: Wanted Fiancé
Anne Marie	17. Circle of Friends 3: Emmie
Apple Franco	18. Two Old Friends
Athena Eros	19. Matimtimang Birhen 20. Pangako, Babalikan Kita 21. Brother Mo, Lover Ko 22. If I Let You Go
Aura Asuncion	23. Neshell (You Are The Reason)
Bernadette Licarte	24. My One True Love 25. Totohanin Natin Ang Pag-ibig
Bianca Zarragosa	26. Txt Lyf: To Zaira with Love 27. My Love, My Hero: Gerard 28. Ardrey
Camilla	29. Chain of Hearts: My Little Boy Blue 30. Chain of Hearts: I O U 31. Dearly Beloved 32. Una’t Bukod-Tangi 33. Akala Mo Mahal Kita 34. Kung Hindi Rin Lang Ikaw 35. Sinisinta Kita Di Ka Kumikibo 36. My Secret Love 37. Una At Huling Pag-ibig 38. Love & Magic, Amantes Fantasticos 9: Hiram, Ang Lalaki Sa Larawan 39. My Lovely Bride: Rumer & Wulf 40. My Love, My Hero: Jun Part 1 41. My Love, My Hero: Jun Part 2 42. That’s When I’ll Stop Loving You
Carissa Nobleza	43. Casanova Series 12: Rites of Possession 2
Cassandra	44. Give Me Sunshine
Charlotte Dianco	45. Por La Eternidad (For Eternity)
Cherie Alexandra	46. A Girl Like You
Claudia Santiago	47. Mula Noon Hanggang Ngayon…Ikaw Lamang 48. Babalikang Muli 49. Back To Where I Belong 50. It’s You All Along 51. Till Tomorrow 52. Kung Okay Lang Sa Iyo
Cora Clemente	53. 18 Roses: My Darling Brat 54. PHR Classics: I Said Goodbye…Because I Love You
Danielle	55. Oplan: Bahay-bahayan
Daphne Meriz	56. Ikaw Ang Magpakailanman
Dawn Igloria	57. Sylvia Roces Love Files 5: Kahit Pati Ang Langit 58. PHR Classics: Pagkatapos Ng Gabi 59. Neptune 60. Beloved Fugitive 61. Dazed
Desiree Bautista	62. Endless Journey
Dolores Mendoza	63. Dear Angel, Dear Devil
Dream Grace	64. Allie’s Chase
Edel Herrera	65. I’m Yours, You’re Mine
Elizabeth McBride	66. Sylvia Roces Love Files 9: Hindi Kita Kayang Abutin 67. The Bachelors: Gerard, The Professor 68. The Bachelors: Derick, The Musician 69. My Dream Wedding 70. Happy Anniversary 71. Accidental Parents, Unexpected Lovers 72. The Woman In My Heart
Fiona Escovar	73. Pustahan Tayo, I Love You
Fiorella	74. The Gonzales-Carredano Saga: Con Toda Mi Alma (With All My Soul) 1 75. The Gonzales-Carredano Saga: Con Toda Mi Alma (With All My Soul) 2
Guiliana Estrella	76. Come Back To Me
Jasmine Esperanza	77. Places & Souvenirs, Boracay 2: Not Just Another Brief Summer Affair 78. Places & Souvenirs, Boracay 3: Island Adventure, Island Magic 79. Places & Souvenirs, Boracay 4: Passion and Destiny 80. Cagayan 1: Enemies At First Sight 81. Cagayan 2: You Belong To Me, I Belong To You 82. Cagayan 3: PJ, I Love You 1 83. Cagayan 4: PJ, I Love You 2 84. Sa Panaginip Nga Lang Ba?
Jennette Herrera	85. I’ll Wait, Even Forever
Jinky Jamolin	86. My Love, My Hero: Gerry Toledo 87. Live to Love
Josephine Mina	88. Love The Second Time Around: Kailangan Kong Limutin Ka 89. Love The Second Time Around: Don’t Give Up On Us 90. Love The Second Time Around: Honey
*Julliana Paez	91. Running Back To You
Kathleen Guiller	92. Pag-Ibig Ng Kahapon
Kyzia Isidro	93. Susuyuin, Iibigin
Laurice del Rio	94. Sylvia Roces Love Files 6: Tadhana Ang May Laan 95. Love & Magic: What You Wish For 96. My Love, My Hero: Brett 97. My Love, My Hero: Avic 98. Saan Nagkukubli Ang Kaligayahan? 99. Partners In Love 100. Sa Muling Pagsikat Ng Araw 101. E-mail To Love 102. The Fire Of Love 103. WWW.Love.Com
Leah Silverio	104. Bestseller: Sa Muling Pagsapit Ng Dilim, Mahal Ko 105. Rachel Guevarra 106. Johanna Madrigal 107. Basta’t Tayong Dalawa
Lenafe Sans-Villa	108. Palayain Ang Puso
Maristella Alonzo	109. Kisses For Sweet Araceli
Martha Cecilia	110. PHR Classics: Iniibig Kita…Mahirap Bang Sabihin Iyon? 111. Kristine Series: Ang Sisiw At Ang Agila 112. Kristine Series: Jewel, Black Diamond 113. Kristine Series: Endlessly 1 114. Kristine Series: Endlessly 2 115. Kristine Series: Endlessly 3 116. Kristine Series: Romano 117. Kristine Series: Romano 2 118. Kristine Series: Hasta La Proxima Vez (Till Next Time) 119. Kristine Series: Hasta La Proxima Vez (Till Next Time) 2 120. Kristine Series: Hasta La Proxima Vez (Till Next Time) 3 121. Kristine Series: One Wish 1 122. Kristine Series: One Wish 2 123. Kristine Series: The Blue-Eyed Devil 1 124. Kristine Series: The Blue-Eyed Devil 2 125. Kristine Series: Wild Passion 1 126. Kristine Series: Wild Passion 2 127. Kristine Series: Wild Enchantment 1 128. Kristine Series: Wild Enchantment 2 129. *Mananatili Kang Akin
Maureen Apilado	130. Last Chance To Love
May Ramos	131. Muli Nating Pagsaluhan Ang Pag-ibig
Mia Sandoval	132. More Than A Dream Come True
Michelle Vito	133. Kung Magkikita Tayong Muli 134. Suntok Sa Buwan 135. Noon Pa, Mahal Na Kita
Noelle Arroyo	136. My Love, My Hero: Lorenzo Nielson III 137. Pangako, Ikaw Lang Ang Iibigin Ko 138. Isinumpang Puso
Olga Medina	139. Loving Thy Neighbor
Precy Dizon	140. In Your Dreams 141. Muling Sulyap Sa Pag-ibig
Raquel Panganiban	142. Magbabalik Sa Piling Mo 1 143. Magbabalik Sa Piling Mo 2 144. Endless Love 145. The First Time Ever I Saw Your Face
Rebecca Grace	146. Dayanna, Rosas Ng Cordillera
Regine Mercado	147. Alguien De Mi Sueño (Someone From My Dream)
Reinne	148. Wanted: Lalaking Mamahalin 149. Mapaglarong Pag-ibig
Ria Czarina	150. Through The Eyes of Love
Ria Gonzales	151. How Can I Tell You “I Love You”?
Riza Tayag	152. Tayo’y Iisa
Rose Tan	153. My Love, My Hero: Stan 154. All-Time Favorite Collections: Magbalik Ka, Pag-ibig
Roxanne Santos	155. My Heart’s Vengeance
Scarlet Rivas	156. A Promise Of Love
Sharmaine Galvez	157. The Runaway Fiancée 158. Make Believe That I Love You 159. Worth Of My Love
Sheena Rose	160. Heartstrings Batch 2: The Amazing Six Feet Male Challenge
Sheila Mendoza	161. Reborn For You 162. Promises Fulfilled
Sheryll Barredo	163. Laqueza Series: DJ Laqueza de Villa 164. Laqueza Series: Kian Laqueza 165. My Love, My Hero: Davin 166. Syrena And The Charmer 167. Reanna And The King 168. Until The End Of Time 169. Treasures Of My Heart
Simone Therese	170. Hydrolovephobics
Sofia	171. Last Trip: No Me Ames (Don’t Love Me) 172. Love Me Like The First Time Again
Sonia Francesca	173. Matters Of The Heart
Suzzaine Angelu	174. Old Passion 175. Bounty Heart, Love Is My Reward 176. I Love The Proxy
Vanessa	177. Charade Series: Let Me In Your Heart 178. Charade Series: Hero Of My Heart 179. Love Junkies Series Batch 2: Madeline, The Overzealous Love Junkie 180. PHR Classics: Alaala Ng Pangako 181. Isang Gabi Sa Piling Mo 182. Strawberries and Chocolates 183. Toby Loves Candy 184. Amo, Mahal Kita! 185. Ang Lalaking Nagmahal Sa Akin 1 186. Ang Lalaking Nagmahal Sa Akin 2

Meron akong matagal nang hinahanap na bahagi ng series na mayroon ako:

1. Amanda: Montenegro Series 2, Juan Miguel

2. Carissa Nobleza: Casanova Series 12, Rites of Possession 1 and 3

3. Jasmine Esperanza: Places & Souvenirs, Boracay 1

4. Laurice del Rio: Saan Nagkukubli Ang Kaligayahan? (paano kasi, nawawala ang last page sa kopya na meron ako kaya medyo bitin haha)

5. Camilla: Chain of Hearts, na story ni Ulysses

6. Sheena Rose: Heartstrings Batch 2

7. Martha Cecilia: Kristine Series 1.

Marami sa mga kakilala ko ang alam na mahilig akong magbasa at mangolekta ng mga libro, mula sa mga sinulat nina Paulo Coelho at Jostein Gaarder… Shopaholic Series ni Sophie Kinsella… Confessions of Georgia Nicolson ni Louise Renison… Mates, Dates Series ni Cathy Hopkins… Harry Potter books ni J.K. Rowling. At pati horror books at kung anu-ano pang young adult books, maging ang mga chicklit na inilabas ng Cosmo ay meron din ako.

Ngunit, sa pagkakatanda ko, labing-isa lang sa aking mga friendships ang nakakaalam na mahilig akong mangolekta ng Precious Hearts Romances pocketbooks. Nagtataka sila kung bakit daw ang dami kong ganito. Bakit nga ba?

(Mga PHR pocketbook na meron ako.)

Ang naaalala ko ay nagpasama sa akin ang kaibigan ko noong grade six sa pagbili ng pocketbook. Tinanong ko siya kung bakit mahilig siyang magbasa nito. Sumagot siya ng, “Halika, pipilihan kita.” At ang napili niyang kauna-unahan kong pocketbook ay ang “Running Back To You” ni Julliana Paez.

Ang latest kung nabili ay ang "Mananatili Kang Akin" ni Martha Cecilia.

Akala ko ay na-outgrow ko na ang pagbabasa ng romance pocketbooks pero hindi pa pala.

Nagustuhan ko ang pagbabasa nito kasi madali siyang maintindihan. At dahil karaniwan ay 128 pages lang, mabilis din akong makatapos. Masaya ring mag-isip ng hitsura ng mga lalaking bida sa bawat kuwento.

Hindi ba’t nakagagaan sa loob na isipin paminsan minsan na may happy ending ang bawat love story sa mundo?

Bakit nga ba ako nahihilig sa pagbabasa ng Romance pocketbooks?

Hmm… bakit hindi? :p

P.S. Tinext na naman ako ng smart kanina. Tinatanong ako kung si Marvin Agustin daw ba ay may-ari ng isang Japanese restaurant? Aba, malay ko.

Hmm…si Wowee kaya may restaurant? :p